แฮงศรัทธาความเชื่อยากเอาเหลือยามใจแบ่ง แข่งเอาความแบ่งข้างบ่มีแล้วสิตื่มเต็ม แนวใจเค็มเกลือจิ้มชิมดูบ่อยากบอกศรัทธาออกจากแล้วเชิญเจ้าบอกกระทำ ยามใจเซื่อบอกย้ำทำใดถูกหรือผิดจิตเอามาตรองดูข่อยเซื่อถืออย่ามาเว้ายามใจเอามาแล้วเชิญคุณเจ้ามาเป่าข่อยศรัทธาเจ้าแล้วไผมาเว้ากะบ่ฟังแฮงศรัทธาบ่จั้งความเซื่อปักหัวใจไผมาถอนหรือไกวบ่มีฟังเจ้า เอาแต่ฟังคำแก้วคนดีผู้เว้าก่อนคนทีหลังเจ้าสิเว้าใจข่อยบ่อยากสน แนวใจคนเฮานี่เอาคำเดิมตั้งก่อนคันได้หลงเซื่อใจไผมาเว้าข่อยบ่ฟัง ศรัทธาเกิดจากตั้งจิตได้เซื่อเต็มหัวใจ คันได้ฝังความคิดยากสิคืนคำเค้า ให้ลองเอาศรัทธาได้เอาหัวใจประทับก่อน เจ้าสิสอนสั่งพร้อมข่อยยอมแล้วบอกต่อเลย..แฮงศรัทธาอย่าได้เย้ยเกิดจากสิ่งฝังใจ ความรู้สึกปักจิตสิ่งคิดเดียวดีล้น
ดังคนเฮาไปพ้อแนวหัวใจได้คิดต่อหาทางออกจนได้พ้อหัวใจข่อยแกว่งไกว
ประทับจิตติดแต้มไว้วันลบออกบ่มีเลือน แฮงศรัทธาเคยมีตื่มลงเต็มตื้น
บ่มีฝืนบ่มีเอื้อนมีแต่เพียรขยันส่องศรัทธาธรรมกะได้ย่องทำดีพร้อมบาดย่างไกล
แฮงศรัทธาเฮ็ดได้ผลเกิดเกินอัตรากำลังใจเงินโฮมหลั่งลงเต็มแต้ม
แนมหาคนมาช่วยศรัทธาเดียวแฮงหน่วงโฮมศรัทธายิ่งกว้างแรงหลายล้นได้ตื่มกัน
สร้างสิ่งเดียวร้อยชั้นเพราะเกิดแก่แรงบันดาลหัวใจหารเต็มโฮมได้ดั่งภูเขาแก้ว
แนวศรัทธามาเต้าเต็มเวลาโฮมใส่ได้ทรัพย์เกินร้อยล้านศรัทธาเต้าเพราะถูกใจ
มามีหลายเฮาสร้างแฮงหัวใจเหิมขนาด หาคนมาส่อยแล้วศรัทธาพร้อมจั่งเฮ็ดดี
สร้างได้มากน้อยนี่นั่นนับหนึ่งลงขัน เร็วพลันลงมือก่อนศรัทธาหายจ้อย
ศรัทธาคือสายน้ำฝนตกลงมีวันกร่อย เทื่อความเชื่อลดด้อยคำเจ้าเสื่อมถอย
เทื่อความฮักบ่แกล้งศรัทธาเกิดเต็มหัว ฟ้าวรีบรัวกลองรบด่วนงานการแล้ว
อย่าได้ไปรอแก้วการกระทำรีบก่อเกิด เทื่อศรัทธาลดแล้วหาคนช่วยหมู่ห่างเหิน
ศรัทธาทำศรัทธาสร้างเป็นหนทางสู่สิ่งใหม่ เอาหัวใจแลกแล้วศรัทธาได้ส่อยเหลือ
แฮงความเซื่อส่อยเอื้อเกิดจากแรงบันดาล ความประสานในหัวใจเกิดเป็นแรงหยู้
แฮงส่อยซูยอย่องศรัทธาเป็นความเซื่อ แนมใต้เหนือรอบด้านตกเยื้องออกเฉียง
ความเซื่อส่อยส่งเรื่องเกิดเป็นท่ออุดมการณ์ ทำร่วมกิจดลนานเกิดก่อเป็นแฮงเต้า
เอามาโฮมมาตุ้มกระทำการอันยิ่งใหญ่ สอนคนไกลฮอดใกล้ใจตั้งตื่มผู้ดี
.
http://garjubjai01.blogspot.com/
ไม่มีความคิดเห็น:
แสดงความคิดเห็น